"Ahhh! Ano, may dumudungaw na bang ulo? s**t! Ang sakit!"
Nasa delivery room ako ngayon ng ospital na pinapasukan ko at YES!
NANGANGANAK NA AKO!
"Puwede ba Maty, nanganganak ka na't lahat-lahat garapal ka pa rin. Umere ka lang diyan ng umere."
Saway iyan ni Dr. Pumasa. Siya ang doktor na nagpapaanak sa akin ngayon. Susmaryosep naman kasi! Mag-iisang oras na yata ako sa kaka-push dito, ni dulo ng buhok ng baby ko wala pa!
"Kaya mo yan Maty. Huwag kang susuko. Lalabas din iyan si baby."
Iyan naman ang asawa ko. Hindi ako magtataka kong magkasugat-sugat ang kamay niya mamaya. Hawak-hawak ko kasi iyon at doon ko ibinubuhos lahat ng sakit na nararamdaman ko ngayon sa pamamagitan ng matinding pagkapit. Pakiramdan ko nga bumabaon na ang kuko ko sa balat niya.
"Ahhh! T*ng ina! Pagkatapos n
