Inantay ko muna si Maly na makapag-out galing trabaho at pumunta sa ospital bago kami tuluyang umalis.
Hanggang sa makauwi kami sa bahay ay tahimik ako. Kinakausap ko lang siya kapag may importante siyang tinatanong.
"Maly."
Hindi ko alam kung paano magtatanong sa kaniya.
"Hmm?"
Natatakot ako. Kinakabahan ako sa magiging sagot niya.
"A-Ano kasi."
Saan mo kinuha ang pera na ipinambayad mo sa ospital kanina?
Iyan ang gusto kong itanong sa kaniya pero hindi ko magawa.
"Wala. sige na, magpahinga ka na muna. Ako ng bahalang mag-asikaso kay baby."
At sa huli nga ay hindi ko na lang itinanong.
"Oo nga pala. Nakalimutan ko palang sabihin sa'yo ito Maty. May pinasukan pa akong isang trabaho dalawang linggo na ang nakararaan. Malaki ang pasahod nila sa'kin kaya nagawa kong mabayaran laha
