Walang imik akong naglalakad habang binabaybay ang daan pauwi sa bahay. Nakabuntot si Maly sa likod ko at mukhang ramdam niya ang awra ko dahil hindi niya rin ako kinikibo.
Isang malutong na sampal ang pinakawalan ko sa kanang pisnge niya pagkapasok na pagkapasok namin ng bahay.
"M-Maty--------"
Sunod ko namang ginawaran ang kaliwa niyang pisnge.
Hindi ko na napigilan ang sarili ko at sunod-sunod na ang ginawa kong pagsampal sa kaniya. Hinampas-hampas ko rin siya sa dibdib. Hindi ako tumigil hanggang sa hindi ko nakikitang mamula ang magkabila niyang pisnge sa mga sampal ko. Hindi siya lumaban, ni hindi niya nga sinasalag o maski iniiligan man lang ang mga palad ko. Tahimik niyang tinatanggap ang bawat hampas ko habang nakatingin lang siya ng deretso sa mukha ko at pinapanood ang bawat
