Hindi ko alam pero masarap ang gising ko kinabukasan. Ang lambot ng kamang tinulugan ko. Tumingin ako sa orasang nakasabit sa pader sa kwarto niya at napansing alas seis pa lang ng umaga.
Bago pa ako tumayo ay marahan akong natawa nang maalalang natalo ko siya sa pik-pak-boom kagabi kaya napilitan siyang sa sofa matulog.
Ang sabi pa nga niya ay nandadaya ako at kailangan naming ulitin, pero kahit na tatlong beses na naming inulit ay talo pa rin siya. Kaya sa huli ay wala na siyang nagawa kung hindi hayaan akong matulog sa kuwarto niya.
Agad akong pumunta sa banyo pagkatayo ko mula sa kama para maghilamos na. Nang matapos ay agad akong lumabas at bumaba na papunta sa sala. Nakita ko naman na gising na rin siya, nakasimangot pa habang hinihilot ang batok.
“Masaya at magandang umaga!” mal
