Hindi naman na kami nag-aksaya pa ng oras para kumain ng magkakasabay na tatlo. Tama nga ako, natuwa si Tita sa cake na dinala namin. Halata sa kanya ngayon na sobrang saya niya, hindi kagaya kaninang nakita ko siyang nakatalikod at mag-isang nakaupo sa hapag na mukhang malungkot na nakatitig lang sa cake.
Siguro akala talaga niya ay nakalimutan ko. Totoo naman iyon. Kaya sobrang laki ng pasasalamat ko kay Havoc. Pero paano niya nalaman? Ay, malamang ay noong pina-imbestigahan niya ako. Hindi malabong iyon nga ang dahilan.
“Naku, ang sarap ng mga pagkain, walang sinabi itong niluto kong pancit,” natatawang saad ni Tita,
“No, Tita, I like your pancit way better than these foods,” pambobola naman ni Havoc kaya natawa si Tita.
“Bolero kang bata ka,” sagot naman niya. “Oo nga pala, iyong m
