Mabuti na lang at hindi ako kumain ng marami sa bahay kanina dahil mukhang masarap ang steak at side dishes na ini-serve sa mesa namin.
Iyon nga lang, mukhang hindi rin ako makakakain ng maayos at matutunawan dahil ang daming matang nakatingin sa amin.
Bawat pumapasok sa restaurant ay napapatingin sa pwesto namin ni Havoc, maging iyong mga kumakain na ay madalas kung sulyapan kami at halatang pinag-uusapan nila kami.
“Sa susunod doon na lang tayo sa walang masyadong tao, hindi ako makakakain ng maayos nito, ang daming matang nakatingin,” pabulong na saad ko kaya ngumisi siya.
“This is what you’re here for, Jara. Hindi naman tayo nagpunta rito para i-date kita. We’re here to show off. We’re here to let people see us, para pagkatapos ng kasal ay hindi na sila masyadong magtaka kung bakit
