Pagkatapos naming mag-almusal ay tumambay kami sa kubo sa tabing dagat. Nakaupo kaming apat sa sofa habang sina Havoc at Mario ay abala sa pag-aayos ng mga fishing rod na gagamitin nila sa pangingisda. Balak kasi nilang mamingwit ng mga iihawing isda, pandagdag daw sa tanghalian.
“Have you tried fishing before, Jara?” tanong ni Luigi habang ang dalawa ay abala pa rin sa ginagawa, napalingon sa akin si Havoc na parang hinihintay rin ang sagot ko, nang makita niyang umiling ako sa tanong ni Luigi ay ibinalik naman niya ang tingin sa ginagawa.
“Hindi pa e. Madalang lang din kasi kung makapasyal ako sa dagat,” tumango naman si Luigi sa naging sagot ko.
“Well, you have to try! Masaya ito, promise!” malawak ang ngiting saad naman ulit ni Luigi, medyo napangiwi ako at mabilis na umiling.
“Nak
