“TEKA, saan mo ako dadalhin?”
Nataranta ako nang pinasibad niya nang mabilis ang sasakyan. Diretso ang kanyang tingin sa daan at ni hindi man lang ako sinulyapan.
“Gabriel, ihinto mo ang sasakyan!”
Saglit niya akong sinulyapan bago dahan-dahang inihinto ang kotse. Ang akala ko ay pabababain niya na ako ngunit napasinghap ako nang ikinabit niya lang sa akin ang seatbelt saka muling pinaandar ang sasakyan. This time, he even accelerated faster.
“Gabriel, ano ba?!”
Parang hindi niya ako naririnig. Sinalakay ako ng kaba nang mapansing walang kaemo-emosyon ang kanyang mukha. Mariin ang pagkakapit niya sa manibela. Tantiya ko ay galing siya sa trabaho. He’s on his business suit.
“Gabriel, nakikiusap ako. Ihinto mo ang kotse at bababa ako. Baka hinahanap na ako ni Mama.”
Napahilamos ako
