CHAPTER 66
“Sino ka? Anong ginagawa mo sa pamamahay namin? Ava, anak! Kung nandiyan ka, please lumaban ka. Sabihin mo sa akin kung sino itong lalaking ito! Avaaa!” sigaw ni Tito.
Hindi sumagot si Lucas. Wala pa ring bakas na paglaban mula sa akin. Astang lalaki pa rin ako.
“Anong kailangan mo? Pera ba? Kung pera lang, bibigyan kita basta huwag mong saktan ang pamangkin ko at tulungan mo akong itaboy ang kung sinumang sumanib sa kanya.”
Hindi sumagot si Lucas ngunit bakas ang galit sa kanyang mga mata samantalang nang mga sandalig iyon, malikot ang mga mata ni Kuya Lyndon na para bang may hinahanap siya sa paligid. Nang makita ang itak ay agad niya itong tinungo. Napansin naman ni Lucas iyon kaya nang pulutin na sana ni Kuya Lyndon ang itak na nasa gilid, naunahan siya Lucas. Maagap niy
