CHAPTER 52
“Ikaw na yung bunsong kapatid ni Lyndon? Ikaw na si Lucas?”
“Sa wakas, naalala mo rin ako. Akala ko nagka-amnesia ka na eh.”
“Anong kailangan mo? Bakit mo ginagawa ito?”
“Alam mo kung anong kailangan ko. Gusto kong maningil sa atraso mo sa pamilya ko. Payback time na Diego!”
“Wala akong direktang kasalanan sa nangyari, Lucas. Maniwala ka sa akin, hindi ko kagustuhan ang nangyari.”
“Ano? Hanggang ngayon sinungaling ko pa rin kagaya ng pagbibintang mong magnanakaw kami. Kami na ngang biktima, kami pa ang naging magnanakaw na wanted sa mga pulis? At anong hindi mo kagustuhan ang nangyari na pinagsasabi mo? Pinatay ninyo ang talong mahahalagang tao sa buhay ko. Tatlo at hindi lang isa. Pinagsamantalahan ninyo ang ate ko at pinatay. Pinatay ninyo pati si Kuya Danny at Kuya Lynd
