CHAPTER 61
Ginagap niya ang kamay ko. Niyakap niya ako at hinalikan ako sa aking noo. Narinig ko ang pagbunot niya ng malalim na hininga habang nanatiling nakahandusay lang sa sahig ang duguan at bugbog sarado na si Tito Diego.
“Panoorin mo lahat ha? Gusto kong sa paraang ganito, ikaw na mismo ang magsasabi sa akin kung ano nga bang nangyari. Kung anong ginawa mo.” Pinindot niya ang play button.
Sa unang bahagi ng video, mapapanood na mahimbing kaming magkatabing natutulog ni Lucas. Nakapatong ang braso ni Lucas sa akin at nakaunan ako sa kanyang dibdib. Hanggang sa bigla na lang akong dumilat. Sandaling nakatutok ang aking mga mata sa kisame. Hanggang sa tinangggal ko ang nakayakap na braso ni Lucas sa akin. Sandali ko muna siyang pinagmasdan. Inayos ko ang kanyang kumot. Tumayo ak
