CHAPTER 71
Sa araw ring iyon, pinagsabay na naming inilibing ang mga labi nina Kuya Danny, Kuya Lyndon at Ate Linda. Doon sa yungib sa tabi ng himlayan ng lolo Carlo nila at sa kanilang tatay. Isang tahimik at disenteng libing na kaming dalawa lang ang nag-ayos at naglibing kasama ng mga binayaran ni Lucas na tumulong sa amin. Ilang taon ding hinintay ng magkakapatid na mangyari ito. Isang disenteng libing na matagal na nilang hinangad at ngayong araw na ito, magsisimula nang nabigyan ng katuparan ang katahimikang hinangad ni Lucas at ng mga kaluluwa nina Ate Linda, Kuya Lyndon at Kuya Danny. Pagkaalis ng mga tumulong sa amin na binayaran ni Lucas, kami lang ni Lucas ang naiwan roon. Sumama ang panahon at bumuhos ang pag-ulan kaya hindi na muna kami umalis sa harap ng puntod ng kanyang mg
