CHAPTER 40
Bago ko pagtuunan ng pansin ang tungkol sa pag-uwi ni Tito at takot na malaman niya na may mali sa akin dahil sa hindi ko matukoy-tukoy na katauhan ni Lucas ay kailangan ko nang imbestigahan at malaman kung sino talaga ang lalaking ito sa buhay ko. Kailangan kong malaman sa araw ring ito kung anong lihim sa pagkatao ng mahal ko. Hindi Hindi maganda ang kutob ko sa kanya at hindi na ako magmaang-maangan pa. May hinala akong siya ang pumatay sa mga pinsan ni Papa. Hinala na maari kong mapagtibay kung may panghahawakan akong mga ebidensiya. Mahirap na kasi nang puro na lang ako kutob at hinala. Kailangan ko nang malaman ang tunay niyang pagkatao. Kailangan nang masagot ang mga tanong na bumabagabag sa akin kung multo ba siya? Kung siya ba ay nagpapanggap na mabuti at misteryosong
