CHAPTER 55
“Ngayon mo ipakita sa akin ang tapang mo, Diego! Labanan mo ako! Ipakita mo sa akin kung gaano ka kasama! Kung mapatay mo ako, walang magrereklamo! Walang makakaalam bukod kay Ava. Maaring abswelto ka na sa mga kasalanan mo! Ngunit kung mapatay kita, pasensiyahan na lang tayo! Kailangan kong iganti ang mga kapatid ko! Kailangan mo nang magbayad sa mga kasalanan mo!”
“Maghunos-dili ka, Lucas. Anong ginagawa mo? Hindi naman lumalaban si Tito sa’yo! Wala siyang balak makipagpatayan sa’yo ano ba!” sumisigaw kong pakiusap.
“Anong walang balak makipagpatayan sa akin? Nagawa niya ngang pumatay ng mga walang kalaban-laban eh! Ibig sabihin, may kakayanan siyang pumatay ng kahit sino. Dapat ipakita niya sa akin na kaya rin niyang pumatay sa gustong patayin siya! Ito naman ang gusto ni
