Mabilis namang tumalima ang kaibigang si Drew na walang kaalam-alam sa mga nangyayari sa paligid. Mabuti na iyong wala itong alam para hindi madamay at hindi nga siya nagkamali ng sapantaha at nalaman kung saang ospital ang kinaroroonan ng kasintahan. Minabuting pauwiin na muna ang kaibigan para makapag-usap sila ni Gail.
"Bro, mabuti pa siguro ay umuwi ka na muna para hindi ka madamay," seryosong baling niya kay Drew matapos nitong gawin ang kanyang sinabi.
Nang makaalis si Drew ay mabilis niyang sinabi sa babae kung sino ang lalaking naka-bonnet. Nanlaki ang mata ni Gail sa kanyang sinabi. "Maaaring siya ang—"putol na wika ni Gail.
"Oo, there is a big possibility na siya nga," sabad agad ni Liam.
Nanlalaki pa rin ang mata ni Gail sa nalaman lalo na at tila umaalingawngaw pa sa isip a
