Muli umupo si Cassandra at nagdasal para sa kanyang Lolo.
Ang tiyahin naman niya ay hinila na ng asawa pati ng kanyang Lola palayo sa kaniya.
"Ate, ayos ka lang ba?" tanong ng kaniyang kapitbahay na nasa tono nito ang pag-aalala sa kanya.
Tango lamang ang sinagot niya.
"Nako, nababaliw na talaga si Tita Marisol. Alam mo bang hindi lang naman ikaw ang ginaganito pati na ang mga babae. Laging lumalapit kay Patrick, lagi ngang laman ng barangay natin si Tita Marisol dahil palagi nitong sinusugod ang mga babae, inaakala niyang babae ng asawa niya," saad ni Jenna.
Hindi na lamang siya nagsalita pa.
Lumipas pa ang ilang sandali. Pananatili sa tabi ng kabaong ng lolo niya, nagpasya siyang tumulong at mag-asikaso sa mga bisita na nakikiramay sa burol ng kaniyang lolo habang gumagabi ay dumad
