Hindi pumasok si Daisuke sa lahat ng klase niya sa umaga. Hindi na naman nagtaka ang mga guro niya dahil madalas naman niyang gawin iyon. Wala pa ring kibuan ang dalawang magkaibigan kahit pa may mga pagkakataon na magkatabi na sila ng upuan.
Sa lunch break nila hindi pa rin mapakali si Akane. Hawak pa rin ang note na isinulat ng binata. Hinanap niya si Daisuke habang kinakain ang isa sa mga tinapay na binili nito sa canteen. Sarado ang rooftop kaya lalo itong nahirapang hanapin ang binata.
Dala pa rin ang isang supot na naglalaman ng mga tinapay at tubig ay hinalughog ni Akane ang buong building.
Hanggang sa isang pamilyar na boses ang narinig niya mula sa isang maliit na sulok ng building. Sumilip muna ito para makasigurado.
May babaeng nakatalikod habang kausap si Daisuke. Sa narini
