"G-Gusto ni Mama, p-paglaki natin dapat ... a-ako ang p-pakakasalan mo o k-kahit sino sa mga kapatid mo," turan ng inosente batang si Melody kay Darren Jr.
"What?!" Kaagad na nagsalubong ang mga kilay ni Jr. "And why?"
"P-Para m-makaahon kami ni Mama sa hirap."
Biglang napatayo si Jr mula sa kinauupuan niya at matalim na tumitig kay Melody. "Pera lang pala ang habol niyo sa amin. Now, I know! Ito ang tandaan mo, walang magpapakasal sa iyo isa man sa mga kapatid ko, lalong-lalo na ako!"
Nilisan ni Melody kasama ng kanyang ina ang mansion ng mga Delavega noong oras ding iyon. At ang mga binitawang salita ni Darren Jr. ay dala-dala niya hanggang sa paglaki, ganun din naman si Jr.
Ngunit isang araw ay biglang pinagtagpong muli ang kanilang landas. At hindi akalain ni Jr. na hahanga siya ng lubos sa taglay na kagandahan ng dalaga, na umabot sa puntong nais niya itong maangkin at ariin.
Paano pa niya mapuputol ang sinumpaang pangako niya noon sa dalaga, lalo na't nararamdaman niya kung gaano ito ngayon kalamig sa kanya at mahigpit na umiiwas sa kanya.
