Isang linggo ko nang hindi nakikita si Senyorito sa mansion. Ayon kay Ate Mayla ay lumipad na naman raw ito patungo sa Britain.
Hindi ko pa siya nakaka-usap simula nang dumating si Danica. Masakit man eh pilit kong tinatanggap.
"Tanya, hinahanap ka ni Senyorita. Mag-ayos ka na raw, mag-eenrol raw kayo ngayong araw."
"Talaga? Sandali lang!" mabilis akong nagtungo sa aking silid upang magbihis. Ito na ang araw na pinakahihintay ko. Ang makita ang kolehiyong papasukan ko.
Nagdesisyon ako na nursing ang kursong kukunin ko. Alam kong mahal pero kapag makakapagtapos ako eh babayaran ko rin naman ang ginastos ng mga Mondragon-Johnson sa akin.
Ang bait ni Senyorita Cathalea dahil ito mismo ang naghatid sa akin sa Crimson University. Alam na alam ni Senyorita na promdi ako. Takot rin naman ako
