Myra's Pov:
Pagod na nagmulat ako ng mga mata. Kinusot-kusot ko ang nanghahapdi kong mga mata bago pinasadahan ang paligid. Medyo nagtaka pa ako nang makitang madilim na ang paligid.
Nakabukas ang isang bintana sa kuwarto ko kaya kaagad kong nakita ang labas, gabi na. Malaya ring nakakapasok ang malamig na hangin mula sa labas.
Yakap ang sarili ay tumayo na ako at isinara ang bintana. Muli akong bumalik sa kama ko at babalik sana ako sa pagtulog kundi lang nahagip ng paningin ko ang cellphone na nasa side table.
Nagtatakang kinuha ko iyon. Sira ang screen niyon at may basag ang casing. Sa sobrang galit ko kanina dahil sa nabasa ay buong-lakas kong itinapon ang kawawang cellphone. Tumama iyon sa pader kaya kaagad na nasira. Namatay iyon at hindi ko na pinagkaabalahang buksan pa para s
