Myra’s Pov:
Napahinga ako nang maluwag nang mai-park ko ang Conquest sa garahe. Hapon na nang makabili ako ng cellphone kaya inabutan ako ng rush hour sa daan. May dalawang oras din yata na nasa kalsada lang ako dahil sa traffic. Pakapal na nang pakapal ang mga sasakyan sa tuwing rush hour kaya hindi na nakapagtataka iyon.
Inabot na nga ako ng dilim sa daan. Plano ko pa naman kanina na sunduin sa school si Lazarus, mabuti na lang at hindi ko sinabi sa kanya ang balak kong iyon kundi ay baka naghihintay pa rin s’ya sa eskwelahan nila hanggang sa mga oras na ito.
Mula pa kanina ay ilang beses na rin akong napabuntong-hininga. Hindi na nawala sa isip ko ang pinag-usapan namin ni Chief Regalado. Nagtagumpay talaga s’yang guluhin ang isip ko kahit na sobrang gulo na niyon.
Muli akong bumunt
