Myra's Pov:
May pagmamadali sa kilos ni Ronmar kaya pati ako ay nahawa na rin sa kanya. Mabilis ang mga hakbang namin palabas sa presinto. Kulang na nga lang ay takbuhin n'ya ang direksyon ng parking lot pagkalabas namin mula sa presinto.
Napailing na lang ako. Napatakbo na rin ako dahil kaagad na pumasok si Ronmar sa sasakyan, sa sobrang pagmamadali n'ya ay sa driver's seat na s'ya dumiretso.
Inihagis ko sa kanya ang susi bago dumiretso sa passenger's seat. Pagkasakay na pagkasakay ko ay kaagad na umalis ang sasakyan. Nakalabas na kami ng parking lot ng presinto nang maisuot ko ang seatbelt.
Nangunot ang noo ko nang mapansing mabilis kaysa sa karaniwan ang pagpapatakbo ni Ronmar. Noon ay madalas ko s'yang pagalitan dahil kahit na may hinahabol na kaming kriminal ay hindi pa rin n'ya
