Myra’s Pov:
Maliwanag ang bakuran ng mga Ledezma. Iba nga lang ang damdaming ibinibigay ng liwanag na nanggagaling sa mga ilaw na nasa bawat sulok ng maluwang na bakuran. Malungkot at nangungulila, iyon ang damdaming mararamdaman sa kabila ng liwanag na ibinibigay ng mga ilaw.
Halos mapuno rin ng iba’t-ibang uri ng sasakyan ang parking space. Noon, isa sa biruan namin ni Algean ay ang tungkol sa malawak nilang parking space kahit na dadalawa lang naman ang sasakyang pag-aari ng pamilya n’ya. Ang sabi ni Algean, madalas na sa bahay nila ginaganap ang reunion ng angkan ng mga Ledezma at dahil malaki ang angkan nila, kailangang malawak din ang parking space ng bahay nila.
Nagtawanan pa nga kami noon dahil napag-usapan namin na dadating ang araw na mapapasama na ang sasakyan ko sa mga naka-
