Myra’s Pov:
Hindi nagsalita si Chief Regalado. Alam kong tinitimbang n’ya ang mga sinabi ko.
Tumikhim ako at sandaling nanahimik bago nagpatuloy.
“Sa lahat ng mga naging biktima ng hinihinala nating sindikatong ito, tanging ang kaso lang ni Algean ang nag-iba. Nagbago ang pattern at iyon ang naging pagkakamali nila dahil mukhang hindi rin sila sanay sa naging pagbabago sa sistema nila.” Ikinuyom ko ang mga kamay.
“Go on,” paghimok sa akin ni Chief Regalado. “Alam kong may mga gusto ka pang sabihin. Ituloy mo.”
“May dalawang linggo na mula nang k-kunin nila ang puso ni Algean.” Sinulyapan ko ang autopsy report na nasa lamesa. “Ngunit sa halip na kinabukasan nila itapon ang bangkay ni Algean ay inabot pa iyon ng halos dalawang linggo. Ibang-iba sa ginawa nila sa katawan ni Mikaela at s
