Myra's Pov:
Hindi ako mapakali nang marating namin ang simbahan. Madami nang tao ang nasa labas niyon at abala na rin ang wedding organizer sa pag-aayos ng buong entourage. Masaya at masigla ang buong paligid at kahit ang panahon ay nakikisama para sa okasyong magaganap.
Traditional church wedding, iyon ang pareho naming gusto ni Algean at ginawa n'ya talaga ang lahat para masunod ang lahat ng gusto ko para sa magiging kasal namin ngayong araw. Hanggang sa pinakamaliit na detalye ay kinukuha n’ya ang opinyon ko at sinusunod ang mga suggestion ko. Kung tutuusin ay mas naglalaan s’ya ng oras para sa preparasyon ng aming magiging kasal kahit na pareho naman kaming abala sa mga trabaho namin.
Sa totoo lang ay pareho kaming halos walang oras kaya nga kumuha kami ng wedding organizer pero nan
