Myra's Pov:
"Anong sabi n'yo?!" Hindi ko na nakontrol ang pagtaas ng boses. Kaagad akong tumalikod at sinubukang huminga nang malalim para kalmahin ang sarili.
Pakiramdam ko ay isang nuclear bomb ang ibinagsak sa harap ko. Ako? Mata-transfer sa headquarters? Bakit at paano nangyari?
Bukod sa nasusuka ako sa sistema sa lugar na iyon, kinamumuhian ko rin ang lahat ng mga alagad ng batas na naroon. Sa lahat ng nasa lugar na iyon, wala akong pinagkakatiwalaan at nasisiguro kong wala akong dapat pagkatiwalaan.
Madaming isyu ng katiwalian at kung anu-ano pang uri ng krimen ng mga alagad ng batas na nasa lugar na iyon. Hindi ko nga lubos maisip kung bakit hindi pa sila natatanggal sa serbisyo.
Mukhang iisa lang naman ang dahilan, pinagtatakpan ng mga alagad ng batas doon ang mga maling gina
