Myra’s Pov:
Hindi naging madali ang lahat. Sa bawat pagsasalita ng mga taong malapit kay Algean, pakiramdam ko ay mas lalo akong nawawasak.
Tama nga sila, ito ang pinakamahirap na parte, ang ihatid sa huling hantungan ang taong pinakamamahal mo. Mawawala na rin sa mga mata mo ang katawan ng taong iyon habang maiiwan sa puso mo ang pangungulila at walang hanggang kalungkutan.
Hindi ko alam na ganito pala kahirap ang magpaalam. Na ganito kahirap magpalaya sa isang taong mahalaga sa ’yo. Masakit, mahirap at nakagagalit— mga damdaming alam kong hindi magugustuhan ni Algean na maramdaman ko. Hindi s’ya fan ng mga negatibong emosyon at palagi n’yang sinasabi na mahirap makaramdam ng mga hindi magandang emosyon kaya ginagawa n’ya ang parte n’ya bilang tao para pagaanin ang bawat araw ng mga t
