Myra's Pov:
Dumaan pa ang may sampung minuto pero hindi pa rin namin nakikita ang luma kong cellphone. Pakiramdam ko tuloy ay pinaglalaruan lang kami ng pagkakataon dahil lagi na lang hindi tumutugma sa amin ang pangyayari.
"Hindi naman ganoon kalaki ang kuwarto mo, Detective. Hindi ko lang talaga maintindihan kung bakit hindi natin makita ang cellphone na 'yon," reklamo ni Ronmar. Sumalampak na s'ya sa sahig. "Sigurado ka bang dito mo lang iniwan iyon? Baka naman sa sobrang batdrip mo noong araw na iyon ay itinapon mo na pala sa labas ng bahay n'yo? Hindi mo lang maalala," dagdag pa n'ya.
Huminga ako nang malalim at iginala ang mga mata sa kabuuan ng silid.
"Nandito lang 'yon. Masyado akong nasasaktan noong mga araw na iyon pero sigurado akong hindi ko naman iyon itinapon. Hindi ko ng
