Myra’s Pov:
Sandali akong napatingin sa envelope bago sa mga mata ng dati kong superior. Pinag-aralan ko ang ekspresyon n’ya para tingnan kung nagbibiro s’ya ngunit mukhang seryoso s’ya sa sinabi.
Sumandal ako sa upuan at bahagyang nag-isip. Hindi ko alam kung dapat ko bang ikonsidera ang sinabi n’ya.
“Ito ba ang dahilan kung bakit gusto n’yong makipagkita sa akin?” malumanay na tanong ko pagkaraan ng ilang sandali.
Inilagay ni Chief Regalado ang mga kamay sa ibabaw ng lamesa. “Confidential ang tungkol sa kasong ito. Sensitibo ang lahat dahil sa krimeng ito. Hindi maganda ang epekto nito sa publiko at maging sa ating mga nasa force. Hindi naman kita puwedeng imbitahin sa opisina ko dahil ang alam ng lahat ay matagal ka nang wala sa serbisyo, iyon ang mga dahilan ko kung bakit ginusto k
