Myra’s Pov:
Kulang na lang ay mabangga ko ang isang sasakyan na palabas mula sa parking lot ng presinto. Hindi nga lang ako nag-menor at dire-diretso ang sasakyan ko papasok sa parking lot. Ni hindi ko na rin pinansin ang pagtigil ng sasakyang iyon. Ni hindi ko nga naiparada nang maayos ang sasakyan ko dahil sa pagmamadali.
Kaagad na lumabas ako mula sa sasakyan at sinalubong si Ronmar na patungo na sa direksyon ko. Hindi pa nga lang nakakalapit si Ronmar ay may kaagad nang humarang sa daraanan ko.
Napakunot pa ang noo ko nang hindi makilala ang maangas na lalaking nakaharang sa sana ay daraanan ko. Hindi rin nakaligtas sa paningin ko na ang kaninang sasakyan na kasalubong ko ay nakatigil na sa may gilid ng parking lot at bumaba na rin mula roon ang dalawang lalaking sakay niyon.
“Munt
