Myra's Pov:
Hindi ganoon kadami ang sasakyang kasabayan namin pero ilang beses pa ring huminto ang bridal car. Parang ayoko na ngang maniwala na maliit na bayan lang ang bayan ng Raja Soliman dahil sa traffic.
May oras pa naman at hindi ko naman kailangang magalit dahil sa traffic pero dahil mahalaga ang araw na ito para sa akin ay hindi ko talaga majwasang hindi mag-init ang ulo. Kung puwede nga lang na lumabas na ako at lakarin na lang ang distansya namin sa simbahan ay baka kanina ko pa ginawa iyon.
Napahinga ako nang malalim nang makitang tila pagong ang pag-usad ng mga sasakyang nasa unahan namin. Natutukso na talaga akong tumawag kay Chief Regalado para magkaroon kami ng escort na mobile ng pulis at nang makabiyahe na kami nang hindi naaabala.
"Okay ka lang ba, anak?" nag-aalalan
