Kabanata 15
Kinabukasan ay sinadya ko talaga na late bumangon. Hindi sa tinatamad ako o ano pa man, kundi dahil sa nakakaramdam ako ng pag-aalinlangan at kaumiran.
Nasa kabilang kuwarto lang si Lucas dahil hindi na siya nakauwi kagabi. Nag-aatubili akong lumabas ng kuwarto dahil wala akong ideya kung paano siya papakitunguhan pagkatapos ng mga sinabi n'yang iyon sa akin kahapon.
Hindi ko alam hanggang ngayon kung paano ko ipapaalam sa kanya ang nararamdaman ko. Hindi ko alam dahil maging ako'y hindi rin sigurado sa mga sinasabi ng puso't utak ko.
Maling-mali naman na magpatangay lang ako basta-basta at sundin lamang ang sinisigaw ng kalandian ko gayung seryoso si Lucas sa bagay na 'to.
I still need an extra time to.. think.
Ayoko rin naman na madaliin ang sarili ko kahit pa uhaw ak
