Chapter 21 – Wedding Ceremony
Naestatwa ako sa kinatatayuan ko nang binanggit niya ang pangalan ni Veronica. Bakit? Isa rin ba siya sa mga fans ni Veronica? Gusto niya din ba ang mga painting ni Veronica?
Gustuhin ko mang ngumiti ngayon dahil sa sobrang proud ko na may nakakakilala din pala kay Veronica hanggang dito, hindi ko kaya, dahil naiisip ko na naman ang nangyari.
Hindi pa rin naging madali sa'kin nang papasok na ako sa kulungan. Malapit ng gumabi at nakapila na naman kami upang kumuha ng pagkain, pero sa kamalas-malasan ay kinuha nila ang libro ko galing sa kamay.
Pisting yawa! Bogo! Bobo mo talaga, Isaiah! Ba't mo pa kasi dala-dala hanggang dito ang libro? Pwede naman sa selda mo kung saan walang tao na mang-iinis sa'yo!
"Bawal magdala ng mga gamit sa loob di ba? Ano 'to?"
