Danica
PUMASOK NA AKO sa loob at pinagmasdan ang buong paligid.
Silid nga ito ng isang opisina. May kalakihan ito. May isang pahabang office table sa kaliwang bahagi na nakaharap sa kanang bahagi kung saan naroroon naman ang malalaking sofa at malaking bintana na yari lamang sa salamin. Halos sinakop na nito ang buong pader at natatabingan lang ito ng makakapal na kurtina.
Nasisilip ko sa labas ang bakuran, gate at ang mga tauhan niya doon. Mayroong isang malaking tv na naka-hang sa wall dito sa gitna, na nakaharap dito sa pinto. May mga cabinet sa likod ng office table niya kung saan may mga nakapatong na iba't ibang klase ng mga trophy.
Sa ibabang bahagi pa nito ay nakatayo ang mga picture frame kung saan nakapaloob ang mga larawan ko at mga larawan niya. Sa tabi naman ng office t
