Tatlong araw matapos ang kaarawan ng nakababatang kapatid ni Noah. Mas nakilala ni Salem ang mga tao sa hacienda lalo na sina Juan, Hubert, Carmela at Josephine. Paminsan-minsan ay nakakasama rin nila sa usapan si Noah.
Lumabas si Salem sa bahay at pumunta sa sakahan. Nakita n'yang may ilang kalabaw ang naroon at mukhang gagamitin. Nagtaka siya nang makita na si Noah lang ang naroon. Lumapit siya dito at nag-hi.
“Nasaan ang iba?” tanong niya.
Tiningnan siya saglit ni Noah bago magsalita. “Pumunta sa sakahan ng mani. Kailangan doon ng mag-ani.”
“Ah, gano'n ba? Ba't ikaw lang ang nandito? Ba't hindi ka sumama sa kanila?” usisa ni Salem. Hindi niya ito madalas makita simula noong kaarawan ni Nicole. Mukha pa namang nagalit ito nitong huli dahil sa sinabi niya.
“Nagpaiwan ako para magbant
