Raymond's POV
Maaga pa lang ay gising na ako, ikalawang araw namin ni Ariana dito sa isla, naglatag ako ng maraming petals ng bulaklak sa sahig patungong kusina. Inihanda ko sa bilog na lamesa ang pagkaing niluto ko at naglagay din ako ng kandila at may ilang bungkos ng bulaklak akong pinitas sa labas at iniayos ko ito para sa aking mahal.
Napangiti ako ng makita ko na naiayos ko ng maganda ang surpresa ko para sa babaeng gusto kong pakasalan. Kinuha ko ang singsing sa aking bulsa at napangiti ako, katulad ng ipinangako ko sa kanya ay aalukin ko na siya ng kasal. Alam kong matutuwa siya dahil ito ang hinihintay niya.
Narinig ko ang mga yabag niya na pababa ng hagdanan kaya inayos ko ang sarili ko, dinampot ko ang bulaklak at ibinalik ko sa bulsa ang kahitang itim na naglalaman ng singsi
