Raymond's POV
Ilang araw lang ang hiniling ko kay Ariana at ibabalik ko na din siya sa condo niya, gusto ko lang munang makapag pahinga upang tuluyan na akong gumaling. Sapat na sa akin ang mga narinig ko upang tuluyan akong matauhan sa kahibangan ko. Tama siya, kahit na ano pa ang gawin ko ay walang mangyayari at hindi na namin maibabalik pa ang dati kaya ngayon ay pinapalaya ko na siya at hindi ko na ipagpipilitan pa ang sarili ko sa kanya.
Hindi ko na rin masyadong pinapansin pa si Ariana at hinahayaan ko na lamang siya sa mga ginagawa niya. Sumusunod pa rin ako sa kanya kapag nagpupunta siya sa dagat upang maligo, upang makasiguro lamang ako na maayos lang siya at hindi siya mapapahamak. Kapag nakita ko na siyang umahon ay pumapasok na rin agad ako at hindi ko na siya hinihintay pan
