Raymond's POV
Nakasakay na kami sa private plane namin, pabalik na kami ng Pilipinas. Lasing na lasing man ako kagabi ay alam ko ang ginawa ko. Bakit napakatigas ng puso mo Ariana? Nagmakaawa ako sa iyo, humalik ako sa paa mo, ito ang ikalawang beses na lumuhod ako sa harapan mo pero binalewala mo pa din ako. Alam ko na malaki ang naging kasalanan ko sa iyo pero siguro nga ay tama ka, hindi na natin maibabalik pa ang dati at kailangan ko ng tanggapin na tuluyan mo na akong kinalimutan.
Sabi sa akin ni George ay ipaglaban ko ang babaeng mahal ko, ipinaglaban naman kita, nagawa kong halughugin ang mundo mahanap lamang kita upang humingi ng kapatawaran. Nagmakaawa pa ako sa iyo pero ikaw na mismo ang nagtulak papalayo sa akin at ikakasal ka na sa taong nakasama mo lamang ng ilang buwan haba
