عندما امسكت بهاتفي في السادسه صباحا وجدت ان محمد هو الذي يتصل بي . فقمت بالرد عليه مسرعتآ حتى لا يظن انني مازلت نائمه .
هبه : صباح الخير يا حضره الضابط في اي اخبار جديده .
محمد : انا قلت اتصل بيكي عشان تقومي تغسلي وشك كده وتصحي من النوم وتجهزي نفسك .انا هاجي لك تحت البيت اخدك ونروح على الجامعه.
هبه : انا ما نمتش اصلا يا حضره الضابط انا قاعده مستنياك تتصل بيا وقاعده مجهزه نفسي خليك عندك وانا هاجي لك عند الجامعه عشان ما يبقاش مشوار بعيد عليك .
محمد: لا انا كده كده هاعدي من عند بيتك جهزي نفسك واول لما ارن عليكي انزلي على طول.. اغلقت الهاتف مع محمد ثم دخلت امي الى غرفتي لانها سمعتني اتحدث في الهاتف وقالت لي .
علا: انتي كنتي بتكلمي مين يا هبه هي اختك هند ظهرت ولا ايه.
هبه: لا لسه يا ماما ده الضابط اللي جه امبارح هنا بيكلمني بيقول لي اننا هنروح النهارده عند الجامعه بتاعتها ونراجع الكاميرات
