Inilapag ni Venus ang wala ng laman na plato sa maliit na mesa na naka-pwesto sa dulo ng terrace. Pagkatapos ay nangalumbaba siyang nakatingin kung saan nakaupo sina Juan, Bebe at Señora Corazon.
Sa di kalayuan ng mansion ay may malaking puno kung saan naka-pwesto doon ang isang mesa at mga upuan. Meron ding duyan doon, naisip niya na masarap siguro magpahinga sa kinaroroonan ng mga ito. Hindi pa siya nakapunta sa puwestong iyon pero baka bukas ay pupuntahan niya.
Kumaway sa kanya si Bebe na katabing nakaupo kay Juan. Gumanti rin siya ng kaway rito. Mukha namang mabait ito, saka ayaw na niyang pagselosan ang mga babaeng kaibigan ni Juan. Katulad na lang kay Mirabella, wala pala itong gusto kay Juan at selos na selos siya.
Kaya nang makilala niya si Bebe ay pinilit niya na hindi magselo
