HINDI NABILANG NI Shanelle kung ilang oras silang nanatili sa rooftop ni Elvin. Panay lang ang kuwentuhan at tawanan nilang dalawa dahil sa mga nakatuwang ikinukuwento ni Elvin sa kaniya. Nakalimutan na nga niya ang plano niyang pagtakas kapag umalis ito. Tumigil lang sila sa pagkukuwentuhan at pagtatawanan nang sabay silang makaramdam ng gutom dahil tanghali na pala. Oo, mula kaninang umaga, walang ibang ginawa si Elvin kundi ang ipasyal siya na kaniya namang ikinasiya.
"After this meal, aalis na ako, Lane. Iiwan kita rito kaya huwag kang tumangkang tumakas dahil may nagbabantay sa labas. They will not allow you go outside. Pero bago ako umalis, may mga rules muna akong sasabihin sa iyo. Naintindihan mo ba ako, Lane?" ani Elvin sa malamig na tono.
Tumango siya. "Oo, naintindihan kita,"
