Habang pauwi kami ay inutusan ako ni Jace na mag-order na lang ng pagkain para pagdating namin sa unit niya ay kakain na lang kami at hindi na magluluto.
Nang matapos ako sa pag-order ay inabot ko sa kanya ang phone niya pero hindi ko pa iyon tuluyang naiaabot sa kanya ay tumunog na iyon para sa isang tawag. Napatingin ako sa screen at hindi naiwasang mapairap nang mabasa ang pangalan ni Crezia sa screen.
“May tumatawag sa'yo…” sambit ko at inabot na sa kanya ang phone niya at saka itinuon ang tingin sa labas ng bintana.
Mukhang sobrang lakas talaga ng tama ng babaeng iyon sa kanya kaya kahit kakatapos lang nilang mag-meeting kanina ay tumatawag na naman!
Nakita kong hindi niya sinagot ang tawag at binaba lang ang phone sa dashboard at hinayaang tumunog ng tumunog. Maya-maya ay tumikhi
