Kanina pa masama ang tingin ko kay Jace dahil wala siyang nagugustuhan sa mga apartments na nakikita namin. Hindi ko alam kung tama bang hinayaan ko pa siyang sumama sa akin sa paghahanap ng lugar na matitirahan dahil mukhang pinapahirap niya lang ang paghahanap ko!
“I don’t like that place. Masyadong madilim itong eskinita na dadaanan mo pag-uwi,” reklamo niya habang naglalakad kami pabalik sa sasakyan niya. Ito na yata ang pang limang apartment na tiningnan namin at lahat ng iyon ay bukod sa mahal na nga ang upa para sa pangkaraniwang apartment ay puro studio type na rin katulad sa huling apartment na tinuluyan ko.
Bumuntonghininga ako at inis na pumasok sa sasakyan niya. “Hindi naman ako gagabihin sa pag-uwi. Tsaka ang lapit lang nito sa LEF oh! Pwede na ngang lakarin sa sobrang lapit
