Isang linggo na akong halos natutuliro sa presensya ni Jace. Minsan ay sinasadya ko na lang na ‘wag magreply sa mga messages n’ya pero mas lalo lang lumalala ang pagkailang na nararamdaman ko sa kanya kaya ibinabalik ko ang dati at kung ano ang nakasanayan kong gawin para lang makaiwas sa kakaibang pakiramdam na ‘yon.
Palagi rin akong umiiwas kapag napag-uusapan namin ni Maymay si Jace. Umaakto akong walang pakialam sa mga sinasabi n’ya pero iba naman ang nararamdaman ko kapag mag-isa ako. Madalas pa ay kapag nasa unit n’ya ako ay hindi ko namamalayang naghihintay na pala ako sa pagdating n’ya. At ang nakakainis sa lahat ay parang nag-iiba-iba ang itsura n’ya araw-araw at palagi kong napapansin iyon. Katulad na lang ngayon na galing s’ya sa gym. Pawis na pawis s’ya nang dumating sa unit n
