Inis na bumalik ako sa opisina para humingi ng pasensya kina Sir Rick at Sir Allen dahil sa eksenang ginawa ni Jace kanina. Hindi ko lubos akalain na magagawa niya ‘yon dito samantalang wala naman kaming pinag-usapan na katulad sa ginawa niya sa country club! At kapag naiisip at binabalikan ko ang nangyari kanina sa loob ay naiirita ako sa naiisip kong dahilan kung bakit niya iyon ginawa!
Imposible namang nagselos siya kay Sir Rick dahil lang yayakapin ako? Sobrang imposible na magselos siya dahil doon lalo na at alam kong wala naman siyang gusto sa akin!
Bago ako tuluyang pumasok sa loob ng opisina ay nilingon ko pa ang waiting area kung saan naroon siya at nakaupo! Nakasimangot siya kanina at mukhang iritado din kaya hindi ko talaga alam kung bakit kailangan niya pang manatili dito kun
