Hindi makapaniwala at bahagyang namimilog pa ang mga mata ko habang nakatitig kay Jace matapos n’yang sabihin na tatlong buwan na s’yang hindi nambababae!
Mabilisang nag-isip ako habang sinasalubong ang seryosong mga mata n’ya. Tatlong buwan na mahigit simula noong nagsimula akong tumira dito sa unit n’ya.
Ibig bang sabihin ay simula noong nagkakilala kami ay hindi na s’ya nambabae?!
“Imposible…” bulong ko. Sa isip ko lang sana iyon pero hindi inaasahang nasambit ko habang nakikipagtitigan sa kanya.
Nakita kong tumaas ang kilay n’ya at unti-unting umangat ang gilid ng mga labi para sa isang tipid na ngisi. Hindi ko tuloy alam kung seryoso s’ya o binobola lang ako! Naiiling na kinagat n’ya ang ibabang labi at itinagilid ang ulo habang nakatitig pa rin sa akin.
“Impossible, right?” naka
