Tahimik si Jace at mukha pa ring iritado sa sasakyan lalo na at napapadalas pa kaming maipit sa traffic! Naririnig ko tuloy ang mura niya sa tuwing hihinto ang sasakyan kaya panay ang lingon at titig ko sa mukha niya.
Mukhang nakapagbihis na siya dahil iba na ang suot niya ngayon kumpara sa suot niya kaninang umalis ng bahay. Hindi ko tuloy alam kung gaano siya katagal na naghintay sa akin sa labas ng Emporium kaya naguguilty ako.
Wala pang limang minuto matapos umusad ang sasakyan niya ay huminto na naman kaya narinig ko ulit ang mura niya. Sinabayan pa ng sunod-sunod na pagtunog ng phone niya kaya mukhang lalo siyang naiirita.
“What? I already sent you the details. He wanted to set up another appointment and he's hoping you would come and visit their company in France…” narinig kong s
