Dahil nakainom si Jace at hindi kayang magmaneho ay iniwan n’ya ang sasakyan n’ya sa country club at nagpahatid na lang kami sa isa sa mga staff ng club para makauwi.
Panay ang lingon ko sa kanya habang nasa sasakyan kami dahil mukha s’yang antok na antok at mukhang hindi komportable lalo na at pahinto-hinto ang sasakyan dahil sa traffic.
Napakislot ako nang marinig ko ang mas malutong at mas malakas na mura n’ya nang muling tumigil ang sasakyan at muntik pa s’yang mapasubsob sa sandalan ng upuan dahil sa biglaang pag preno ng driver. Nakita kong nagsalubong ang mga kilay n’ya at nakasimangot na sinilip ang driver.
“Don’t you know how to pull the brakes properly?” iritadong sita n’ya sa driver kaya agad na napakislot ako at umisod ng upo palapit sa kanya.
“I’m sorry, Sir. May motor po
