MAPAIT ang kapalarang mayroon si Margareth, pakiramdam niya pinagkaitan siya ng lahat mula sa kaniyang kabataan, hanggang sa kaniyang mga sariling magulang ay maagang nawala sa kaniya.Hindi rin siya naging mapalad sa trabahong mayroon siya, dahil kung ano ang pinasok niyang mundo ay malaking kaakibat ang panghuhusga sa kanya ng lipunan. Tinanggap ni Margareth ito ng buong-buo dahil sa isang taong natira para sa kaniya ang kapatid niyang si Nathaniel, sa paglipas ng panahon sa mundong mayroon siya nakilala niya si Jonas Del Mundo, ang mayamang lalaking una pa lang alam niyang pagmamay-ari na ng iba dahil may asawa ito. Hanggang kailan mabubuhay si Margareth sa sitwasyong kahit siya ay ayaw niyang tanggapin? Hanggang kailan mananatili sa tabi niya si Jonas sa kabila nang pagmamahal nito sa asawang kasama nito? Magiging masaya pa ba si Margareth? O, habangbuhay na lang tatanggapin na siya ay pangalawa sa lalaking nakakasama niya.