[C]hapter Seven
KAGIGISING ko lang pero nakahiga pa ako rito sa kama ni---Grevan. Umalis silang dalawa ni Deborah pagkatapos naming pag-usapan ang kasunduan sa pagiging Multo ko.
Walang makakaalam ng tungkol sa pagiging multo ko. Pero papasok ako sa kumpanya ni Grevan bilang assistant ni Deborah na secretary ni Grevan. Lagi akong sasama sa kanila, especially kay Grevan sa lahat ng lakad nito para mas makilala ko siya; mga ginagawa niya at mga bagay na kinahihiligan niya. Meron akong apat na buwan para tapusin ang libro niya. Iyon ang kontratang pinirmahan ko pero humingi ako ng oras para sa pag-aaral ko at pinagbigyan naman nila ako. At pagdating sa sasahurin ko---sobra pa sa inaakala ko. Nasa kondisyon din naman na, matapos o hindi ko ang libro... bayad pa rin ako. Pero pinakiusap
